小溫雜記

Friends, long time no see!

星期日, 6月 17, 2007

回應各位

逍遙人
我在北區教會機構的某社區中心參與義工隊,到今年都已經足足十年了。其實很多社區中心都極之需要義工做服務的,不過若你有心長做義工的話,你可以考慮選擇入義工組,可以參與整個服務的籌備工作,當然你亦可以只做參加者,有服務才會去做那種,這視乎你想的投入程度吧。

神秘人
我今次考的試,全部都是MC題,而考試日子會是在星期六的。有人會去上堂加操,但我買書閱讀後,卻發覺考試內部都不大需要去上堂學的。

至於master/專業試的選擇,其實我身邊頗多朋友都傾向考專業試的。

D
我公司仲未有意思請人呀,我就快做到發癲架喇。不過出面真係咁好景咩?聽朋友講,外面真係好難請人咁。

70F
可能俾多左果幾蚊,就係食個view囉,但係入面氣氛就真係麻麻,嘈過好多街坊茶餐廳。我就唔喜歡咁的氣氛喇。響中環有冇D同can-teen咁上下budget的好野食?

幾位
多謝您們每一位!

尹粉絲
思哲兄梗係靚仔啦

Karen
詳細情況我就不太清楚,不過我就以一般情況來談吧。

首先要問清楚妳想報讀的大學是否承認妳的advance diploma,因為各一個學系或學院,對同一間院校不同學科的學歷都未必完全一樣。另外,要留意開辦學位課程的學院,究竟是大學的學系還是大學的專業教育學院。雖然,大家都是共用大學的設施(部份大專除外),但我覺得在學習的支援方面,專業教育學院的支援會比較弱,同時,學位的「水份」會較大學學系直接開辦的學位課程高一些。

還有,就是妳要注重妳的身體呀,大家都非常關心及著緊妳的健康呢,希望將來有機會與妳見面!

標籤:

1 Comments:

  • At 5:04 下午, Anonymous 想做義工的人 said…

    小溫,

    你好厲害呀...又讀書,又考專業試,又做義工,又寫blog,你d 時間 點分配呀?

    我都想做義工呀...
    但每次想起自己要返工,
    夜晚又返學,
    工餘o的時間都比了去自修室溫書,
    何來仲有咁多時間做義工呀..?
    是不是通常做義工之前都要在有關機構度做training呢?好似通常呢d training都要每個星期某晚要regular返去機構training..,是嗎?

     

張貼留言

<< Home