小溫雜記

Friends, long time no see!

星期三, 3月 14, 2007

小溫的M

呢期小溫M到,尤其係今晚溫爸溫媽返左大陸,得番一支公就M得更加緊要。

近幾日諗起自己就快大學畢業,開始有點對於前路的迷茫。大大話話都讀左五年,過呢段日子o既時候,成日諗住快D讀完就可以甩難。事實上,五年來差唔多每一個星期都至少要返三晚學o既生活,令我呢幾年變得好dry,夜晚o既gathering冇晒,家庭生活都唔見左一大截。放左學返到屋企就開餐,食完飯抖兩個鐘頭就走去訓覺,訓醒又要返工,都咪話唔頹。

但係到左最近,開始覺得自己慢慢冇左目標咁,讀完書拎到張沙紙又點呢?諗轉工?又覺得自己唔夠料同人鬥。諗轉行?小溫有諗過去金融行業,唔係諗賺得多錢的原因,而係自己o既興趣係對住D金股外匯,不過唔知有冇人有興趣請一個會計人去做金融。同時間,我又要照顧兩老,因為佢地都係退休人士,我唔食佢地都要開飯,屋企幾百樣開支都要我俾,轉工/轉行人工低左,對於佢地都唔係好事。留響而家o既公司,我冇咩動力響畢業後仲留響度,我都唔想做死一世會計文員,我都想有進一步的提升,而呢D提升,響而家公司我係冇可能得到。

同時,見到身邊一班由中學到而家識左N年o既朋友,無論響事業,生活同埋感情方面,發覺自己就好似駝背佬行路--「中中」下咁。眼見有D朋友拍左拖十幾年,有D更加準備或者已經結婚,工作上又有D成就(例如係部門阿頭),自己就兩袖清風,連女仔手都好耐冇掂過,咁多野撈埋就M到喇。

可能有人會話「車!你條茂利發女寒之嘛!」。我只可以話,到左一D年紀,身邊少左一個人做emotional support自己,生活就特別難捱。有陣時,自己一條麻甩佬夜晚響MK on下on下咁行,見到人地拖男帶女,你話冇hard feeling就假。好似今晚咁,溫爸溫媽都去左旅行,我一支公響屋企,望住四幅牆,加上睇完渣估兄講靈堂o既事,我又會諗下他朝有日兩老走左之後,得番一個人o既生活係會幾孤寂。

今晚真係唔好意思,要大家睇我呢條茂利響度自怨自艾。不過,我都想俾大家去知道我多一D野,有陣時對住自己真實o既老死都唔方便講出口。響呢度做個排洪,希望可以幫到自己啦。都好夜喇,早抖各位。

標籤:

7 Comments:

  • At 7:43 下午, Blogger Karen (Sze) said…

    小溫:

    我見沒有人回應您, 不如讓我試著了解。

    我諗您擔心沒有目標, 擔心事業不如意......我都經過那段日子, 身邊的朋友不是結婚就是玩單身, 自己又未有"著落"(您知我講甚麼吧), 事業到bottleneck不上不落兼無人工加。 或者我仍然讀緊書(半工讀嘛), 所以距離大學畢業的路仍有一段路要走。

    先講事業, 作為前HR的工作者, 發現到有些機構未必請讀本科生的人做有關工作(如做marketing未必是讀marketing的), 呢一點您可以嘗試找有關financial工作, 以您的knowledge加上誠意打動employer。但我會建議考個經紀牌會好一點, 至少employer會有番點信心。

    至於感情方面, 我同您的situation差不多(age相差不遠), 好不了多少。但我會覺得, 只要人生還有意義, 就算一直單身下去,也會活得快樂。

    不妨看看空姐如何說:
    http://petitelaine.blogspot.com/2007/03/blog-post_11.html#links

    有空來我的blog一遊, 談下心, 或者寫個email給我都可以。

    祝好!

    Karen

     
  • At 4:08 上午, Blogger 溫仁賓 said…

    Karen,

    多謝妳呀!終於有妳幫我去了解清楚自己的煩惱。唔知道妳的課程係幾多年?三年的話尚算可以應付,好似我咁讀五年真係一個好大的挑戰。

    轉工方面,雖然我讀的係會計Degree,但我都特意集中揀finance科做elective,對於我搵工應該會有點幫助掛。

    我經常有到妳的blog呀,等待妳的新文章

    (P.S.: 我在妳的blog找不著妳的email...)

     
  • At 2:08 上午, Blogger Patrick said…

    溫兄你好

    原來你也是會計人來的,我也是呀,今年是Final year了!

    但前路一片茫茫,人人都說會計今年甚麼好景,但偏偏和我擦身而過。

    眼見其他同年的人已有一百個計劃準備實行,而自己還在量地。

    女,就更加冇。但唔會怪人,女仔見自己無料無前景都唔會so你喇,自怨自艾都係冇用。

    講到最hard feeling,係你仲要係其他人面前扮無事發生,既然其他人幫不到你,何必和其他人一起分擔?

    M,近依兩個月真係幾日黎一次

     
  • At 1:30 下午, Blogger Karen (Sze) said…

    小溫:

    唔好意思, 我忘記放番個email address, 您或者再試下。

    我修讀的是2年Adv. Diploma in Human Resources Management, 今年final year; 合格的話會讀degree, 個人prefer local universities。

    或者自己由中五畢業到現在都是半工讀(差不多十年, 嗯), 所以都習慣如此刻苦的生涯。

    揀finance都是很好的choice, 再加上accounting的底子, 去做金融, banking, 財務策劃等相類的工作都有幫助。

    我剛完成功課(project working), 希望儘快有posting俾大家睇和comment。

    話時話, 我都有睇您的blog(見我問您DHL就知啦), 於是在我的blog加埋您的blog link上去以示支持, 不要以為無人睇個blog啦。

    又又, 想回應下Patrick:

    一直覺得一定有人在人力市場上吹風, 話某某行業好景等等; 信人不如信自己之餘, 亦要好好prepare自己。

    除了要了解自己想投入的行業前景外, 其實有些事情都要留意:

    1. 執正自己份CV和practice如何interview, 有需要時找大學的職業輔導組或者教英文科的lecturer幫您改下。
    2. 所謂"早起的鳥兒有蟲吃", 早找工作的道理亦如是。
    3. 認識行內人士和找大學的職業輔導組對找工作可能有幫助, 但成事與否, 看您的表現和熱誠等因素。
    4. 之前同小溫講過有些機構未必請讀本科生的人做有關工作(如做marketing未必是讀marketing的), 因此做accounting的出路不要看得太窄, 可以嘗試做account以外(如financial等)的工作, 可能比起淨做account, 眼光放得較為長遠, 得著可能更大。

    祝小溫和Patrick好運!

    Karen

     
  • At 3:14 下午, Blogger Patrick said…

    回應karen,

    先謝謝你的comment.

    深知早起的鳥兒有蟲吃的道理,工作亦已經開始找, 但四大會計公司已經完成請人的程序,餘下只有不少較少型的公司,雖然不是對細公司有甚麼不滿,但人之常情的是想到大公司工作.

    雖則我也知道讀accounting不一定要找會計的工作(其實我也想做其他的工種, 和會計愈冇關係愈好),但讀了三年會計,自己是希望可以在會計界發展,而且申請會計工種時自己的優勢亦會比其他工種大(始終自己是會計畢業)

    anyway,謝你的留言,大家努力,共勉之!

     
  • At 4:19 下午, Blogger 七十樓危危下望 said…

    嘿!

     
  • At 7:57 下午, Blogger 溫仁賓 said…

    70F小姐大駕光臨,小溫D口水都未抹晒就要加番70F小姐落link度!

     

張貼留言

<< Home